Af óviðráðanlegum ástæðum verður hlaup skrifstofumannsins sem fyrirhugað var  laugardaginn 24.júlí,  fellt niður.   Skipuleggjendur hlaupsins vilja koma á framfæri afsökunarbeiðni til þeirra sem hugðust taka þátt í hlaupinu.

1. Tvö lið keppa í einu og tveir í hverju liði keppa hverju sinni
2. Það verða 5 stöðvar með léttum skrifstofuþrautum
3. Vegleg verðlaun fyrir fyrstu 3 sætin

Fyrrum varaheimsforseti Mike Ashton hefur ákveðið að styrkja JCI Ísland um 500 evrur í þeim tilgangi að hvetja félaga  til þess að sækja  European Academy.

Euorpean Academy er fjögurra daga alþjóðlegt námskeið sem er haldið um mánaðarmótin júlí ágúst,  þar sem verðandi forsetar aðildarfélaga í Evrópu koma saman og læra hver af öðrum og margt um þá ábyrgð og tækifæri sem það að stýra aðildarfélagi.  Þeir sem hafa farið á þetta námskeið í gegnum tíðina hafa lýst því sem ógleymanlegri upplifun!!  Þeir JCI félagar sem hyggjast taka að sér ábyrgðar starf fyrir sitt aðildarfélag á árinu 2011 eru hvattir til að hafa samband við Örnu arna@jci.is eða við  forsetann í sínu aðildarfélagi  og fræðast betur um EA og þennan styrk.

Nú er ljóst að Hera er komin áfram í úrslit á Eurovision og því fullástæða til að fylgjas vel með á laugardaginn.   JCI Ísland býður félagsmönnum sínum uppá Eurovision og kosningavöku í Hellusundinu.   Húsið opnar kl: 18:30.  Landsstjórn mun sjá til þess að það verði grill á staðnum og geta félagar mætt með vini og vandamenn í Eurovisionstemmningu, tekið með sér kjöt eða annað sem hugurinn girnist og heppilegt er að grilla.

Til að einfalda málið sér landsstjórn um að hafa sósur og salat á staðnum.  Í kjölfarið á Eurovision hefst svo kosningavaka og þar sem JCI félagar búa í ýmsum bæjarfélögum og styðja ólíka stjórnmálaflokka má búast við fjöri og rökræðum á kosningavökunni.   Við viljum benda Eurovision nördunum ( sem þurfa að einbeita sér mjög að keppninni)  að kíkja í Hellusundið eftir keppnina og taka þátt í kosningavökunni með okkur.  Að lokum viljum við minna alla sem þetta lesa að nýta kosningaréttinn sinn, hann er ekki sjálfgefinn og við ættum alltaf að nýta okkur þessi forréttindi sem við höfum hér á Íslandi .

Sameiginlegur félagsfundur JCI Esju, JCI Lindar og JCI Reykjavíkur verður haldinn þriðjudaginn 18.maí 2010 kl:20:00 .

Gestur fundarins verður Ingólfur Harðarson sem kynnir fyrir okkur borgarbíl framtíðarinnar! Hann hefur hannað undirvagn með 5 hjólum á rafmagnsbíl sem er þannig kostum gæddur að geta keyrt beint til hliðar inn í bílastæði. Þessi hugmynd hefur vakið mikla athygli hér heima og út í heimi og talað er um að þetta sé hinn fullkomni bíll. Ingólfur sigraði í Fræinu 2010, frumkvöðlasamkeppni á vegum Háskólans í Reykjavík í samstarfi við Klak – nýsköpunarmiðstöð atvinnulífsins, Hugmyndahús háskólanna og Auði Capital.

Fundurinn hefst kl 20:00 og fer fram á efri hæð veitingastaðarins Balthazar hafnarstræti 1- 3 og er öllum opinn.  (www.balthazar.is)

Síðastliðið sumar tók netvarpið viðtal við Ingólf og má sjá það hér http://netvarpid.is/ingolfur-hardarson-borgarbill-framtidarinnar/

Sjáumst með góða skapið og mætum tímanlega

Hvað er það sem einkennir góðan brandara, flotta málshætti og tilvitnanir, vinsælar auglýsingar, bíómyndir, þætti, frábæra fyrirlestra, eftirminnilegar ræður og kynningar? Svarið er einfaldlega… góð saga, sögð af góðum sögumanneskjum. Hvað er það sem gerir þessar sögur grípandi, eftirminnilegar?

Mikilvægasta spurningin – er sögumennska eitthvað sem aðeins fáir hafa og aðrir ekki… eða geta allir tileinkað sér þetta og orðið betri? Sögur gegna lykilhlutverki í lífi okkar allra! Þær kenna okkur mikilvægar lexíur um hegðun, siðferði, mannasiði, viðhorf, að kljást við áskoranir og ýmislegt fleira. Þær skemmta okkur á góðum augnablikum, geta forðað okkur frá slæmum ákvörðunum og mistökum… og rétt saga getur gert veislu eða hitting að ógleymanlegum viðburði. Foreldrar, kennarar, ýmis konar leiðtogar nota sögur til að miðla og kenna mikilvæga hluti, kollegar nota sögur til að miðla hlutum í starfi og vinir nota sögur í á góðum stundum til að rifja upp eftirminnileg augnablik. Flestir upplifa hinsvegar þá tilhugsun: “en þetta er ekki ég”. Af hverju ekki þú? Þegar öllu er á botninn hvolft, þá upplifir enginn augnablik, viðburð, samtal eins og þú. Enginn er fær um að tjá þína upplifun betur en þú!

Á námskeiðinu “Grípandi sögur” förum við í þessa “grípandi” uppskrift, hvað einkennir eftirminnilegar sögur og lærum að nota efnivið úr eigin lífi sem söguefni í persónulegar sögur. Námskeiðið er hugsað fyrir alla sem þurfa að miðla til annarra – verðandi foreldrar, ungir foreldrar, fólk sem þarf að flytja kynningar, fólk með mannaforráð, leiðtogar og alla með góða hugmynd sem á erindi til annarra!

Markmiðið er einfalt – að leysa sögumanneskjuna þig úr læðingi!

Leiðbeinandi er Helgi I. Guðmundsson í JCI Reykjavík. Námskeiðið hefst kl 20:00 og er um 2 klst.

Eftir frábærar ræðukeppnir þar sem lið Reykjavíkur úrvals annars vegar og fyrrum JCI Gk félaga hinsvegar rökræddu til sigurs, var Bernahard S Bernhardson útnefndur senator nr:69529.  Það ríkti mikil gleði á Kringlukránni í kvöld JCI félagar á öllum aldri sýndu ógleymanlega takta.  Niðurstaðan úr fyrri keppninni var sú að embætti forseta Íslands skuli lagt niður.  Í seinni keppninni vildi svo einkennilega til að bæði liðin andmæltu tillögunni sem fyrir lá og var því ljóst að  sú tillaga hlaut ekki  brautargengi.    Niðurstöður þeirrar keppni leystust upp í senatoraútnefningu Bernhards Bernhardssonar JCI GK – óskum við Bernhard og JCI GK/JCI Lind hjartanlega til hamingju.

Fimmtudaginn 13. maí (uppstigningardag) er fyrirhuguð hellaskoðunarferð með leiðsögumanni í Leiðarenda á Reykjanesskaga.

Allir félagsmenn velkomnir, ásamt vinum og ættingjum. Áætlað er að hittast fyrir framan JCI húsið í hellusundi kl. 10:45, en þaðan verður farið með rútu.

Fatnaður: Hlýr útivistarfatnaður, vettlingar, húfa, ásamt hlífðarfatnaði og góðum skóm.

Kostnaður: 3000,- kr. á mann (innifalið er rútuferð, leiðsögumaður, hellabúnaður og kol á grillið). Vinsamlega hafa pening tilbúinn til að borga á staðnum.  Skráning hjá emmarun1@gmail.com.   Nánari upplýsingar á www.jcireykjavik.is

Rúna Magnúsdóttir hjá Connected Women,  deildi með okkur frábærum hugmyndum og fræðslu á sl. fimmtudag í JCI húsinu.  Rúna talaði um mastermind hópa og markþjálfun (coaching).Það er óhætt að segja að Rúna hafi kveikt í viðstöddum enda er hún vottaður eldmóðsþjálfi.    Næsta mastermind vinnustofa Rúnu verður miðvikudaginn 12.maí  kl:17:30 – 20:30 og er JCI félögum boðið að taka þátt í vinnustofunni fyrir sérstakt tilboðsverð kr: 9.800.  Nánari upplýsingar um Rúnu má finna á slóðinni http://www.runamagnus.com