Ræðunámskeið – Ræða I
Ræðunámskeið JCI Íslands – Ræða 1
Það er vel þekkt að stærstur hluti fólks á erfitt með að halda ræðu af öryggi og sannfæringu. Algengasti misskilningurinn er þó að þetta sé á einhvern hátt meðfæddur eiginleiki, að sumir hafi þetta í blóðinu umfram aðra. Hið rétta er að öll samskipti eru lærð hegðun og það á einnig við um ræðumennsku. Það sem flesta skortir einfaldlega er fyrst og fremst leiðsögn, æfing og uppbyggileg endurgjöf.
JCI hreyfingin býður upp á allt þrennt. Á Ræðu 1 eru þátttakendur þjálfaðir í grundvallaratriðum ræðumennskunnar og fá tækifæri að flytja ræður fyrir hin ýmsu tilefni. Meðal þeirra má nefna tækifærisræður, mótmælaræður, söluræður og kappræður og eru þátttakendur þjálfaðir jafnframt í líkams- og raddbeitingu, notkun hjálpargagna við flutning o.fl.
Námskeiðið tekur í heild 6 kvöld og þátttakendur semja og flytja ræður fyrir öll kvöldin utan þess fyrsta.
Æskilegur fjöldi þátttakenda er 8-12 manns á hverju námskeiði. Námskeiðið kostar 30.000 kr. Þess má geta að þetta námskeið er viðurkennt af öllum stéttarfélögum sem veita í mörgum tilfellum styrki fyrir þessu námskeiði. JCI félögum stendur það hinsvegar til boða innifalið í árs félagsgjaldi.
Aðildarfélög JCI Íslands halda Ræðu 1 námskeiðið reglulega. Við hvetjum félagsmenn sem og aðra til að fylgjast með á heimasíðunni og/eða að skrá sig á póstlistann okkar hér til hliðar þar sem þú getur m.a. skráð þig sérstaklega til að fá upplýsingar um næstu námskeið.
Sé áhugi á að sækja næsta námskeið, vinsamlegast skráið ykkur á lista með því að fylla út eftirfarandi form.
