Hvað er JCI?

JCI stendur fyrir Junior Chamber International.  JCI er alþjóðleg hreyfing fyrir ungt fólk á aldrinum 18 til 40 ára sem hefur áhuga og metnað til þess að efla hæfileika sína og hafa jákvæð áhrif í kringum sig.

Undirstaða starfsins er að efla einstaklinginn, gefa tækifæri til að vaxa í leik og starfi og gera hann þannig hæfari til að takast á við stjórnun og ábyrgð í félagsstarfi og athafnalífi.

Árangur = IQ + SQ + EQ

Það er ekki nóg að hafa eingöngu háa greindarvísitölu og réttu menntunina ef þú vilt ná árangri í lífinu. Nauðsynlegt er að hafa gott sjálfstraust, geta tjáð skoðanir sínar með áhrifaríkum hætti, geta selt öðrum hugmyndir sínar, geta unnið með ólíkum einstaklingum og geta laðað fram það besta í fólki.

Til að verða framúrskarandi á þínu sviði þarftu að þjálfa upp réttu tæknina og hafa rétta fólkið í kringum þig.

JCI er vettvangur til að sækja fullt af skemmtilegum námskeiðum,  víkka út tengslanetið og ná sér í dýrmæta reynslu með því að hrinda í framkvæmd eigin hugmyndum og þeirri þekkingu sem maður hefur aflað sér.

Hlutverk okkar er:

Að veita ungu fólki tækifæri til að efla hæfileika sína og með því stuðla að jákvæðum breytingum.

Tækifæri
Með þáttöku í JCI öðlast félagsmenn dýrmæta reynslu sem nýtist jafnt í leik og starfi. JCI er vettvangur til að ná sér í fræðslu, nýta það sem lært er og fá bæði hvatningu og leiðsögn.

Efla hæfileika sína
Félagar efla hæfileika sína með því að fá þjálfun, framkvæma hugmyndir sínar og að takast á við áskoranir sem JCI starfið býður uppá.

Stuðla að jákvæðum breytingum
Félagskapurinn leiðir að sér jákvæðar breytingar fyrir einstaklinginn persónulega og fyrir samfélagið í heild. Við vinnum einnig að samfélagslega bætandi verkefnum sem færa okkur bæði reynslu, lærdóm og tengslanet.

Við tökum enga afstöðu til stjórnmála og trúarbragða.

Hefurðu áhuga á að vita meira og taka þátt?
Smelltu þá hér => skráning á kynningarnámskeið

Enga feimni, deildu og lýstu yfir ánægju!

•