Veislustjóri kvöldsins var Hjalti Kristinn Unnarsson og stóð hann sig með stakri prýði. Þá var hvert og eitt aðildarfélag var með skemmtiatriði og er óhætt að segja að þau hafi öll komið skemmtilega á óvart og vakið mikla kátínu viðstaddra, sérstaklega dansatriðið mikla!

Ingólfur Már Ingólfsson, landsforseti 2011, veitti ýmis verðlaun fyrir vel unnin störf á síðasta ári (sjá lista hér að neðan) og að lokum var landsforsetakeðjan góða flutt af Ingólfi yfir á viðtakandi landsforseta, Viktor Ómarsson, og ný landsstjórn tók formlega við.

Ný Landsstjórn (frá vinstri): Viktor Ómarsson, landsforseti, Hulda Sigfúsdóttir, lögsögumaður JCI Íslands, Karl Einarsson, ritari, Tryggvi Freyr Elínarson, gjaldkeri, Heiða Dögg Jónsdóttir, varaforseti og Ingólfur Már Ingólfsson, landsforseti 2011.

Verðlaun fyrir árið 2011:

 Landsforsetaviðurkenningar:
Birna Dröfn Birgisdóttir
Guðlaug Birna Björnsdóttir
Tryggvi Freyr Elínarson
Viktor Ómarsson

Nýliði ársins: Einar Valmundsson, JCI Reykjavík
Félagi ársins: Jóhanna Magnúsdóttir, JCI Esju
Stjórnarmaður ársins: Kristín Grétarsdóttir, JCI Reykjavík
Leiðbeinandi ársins: Tryggvi Freyr Elínarson, JCI Lind
Mike Ashton verðlaunin: Viktor Ómarsson, JCI Reykjavík
Senator ársins: Hulda Sigfúsdóttir, JCI Reykjavík
Forseti ársins: Viktor Ómarsson, JCI Reykjavík

Besta landsþingsþátttaka: JCI Reykjavík
Besta erlenda samstarfið: JCI Ejsa
Fjölgun og endurnýjum félaga: JCI Esja
Besta verkefnið: Páskaeggjaleit JCI Esju
Besta fjáröflunin: Þorrablót JCI Esju
Aðildarfélag ársins: JCI Reykjavík

Fyrri hluti fundarins fór í að gera upp 2011 og gerði fráfarandi landstjórn það  með sóma og skilar góðu búi. Eftir ljúffengan hádegisverð tók við yfirferð yfir árið framundan og er óhætt að segja að árið sé sérstaklega spennandi fyrir nýja og gamla JCI félaga… svo ekki sé minnst á verðandi félaga.

Stórar akademíur, erlendir leiðbeinendur, spennandi verkefni og ný aðildarfélög voru meðal þess sem bar á góma á fundinum og því til margs að hlakka fyrir JCI félaga.

Myndin sem fylgir fréttinni var fengið að “láni” hjá Þóreyju Rúnarsdóttur

Í greininni segir meðal annars:

 Ég eyddi stórum hluta líðandi árs í alls konar neikvæðni þrátt fyrir að framfylgja öllum góðu heitunum um að rækta heilsuna. Ég var óánægð með sjálfa mig, mér leið eins og ég hefði eytt fjórum árum lífs míns í fullkomlega tilgangslaust nám…

…. Með þessa vanlíðan á bakinu brunaði ég beint í ræktina til þess að vinna í líkamanum því ég var alveg viss um að árangurinn mundi setja plástur á sálina. Einni buxnastærð neðar var ég þó jafn atvinnulaus og umkomulaus í eigin skinni.

Síðar í greininni kemur Harpa svo inn á það hve andlega styrkjandi það er að taka þátt í samfélagsverkefnum og láta gott af sér leiða:

Það hefur gefið mér ótrúlega mikið að láta gott af mér leiða. Sumt er ekki stórt fyrir samfélagið en getur skipt höfuðmáli fyrir þá sem njóta góðs af, t.d. krakkarnir sem eiga eftir að leika sér á leikvellinum sem ég ætla að taka þátt í að gera upp með öðrum JCI félögum.

Manngildið er svo sannarlega mesti fjársjóður jarðar og það að bæta mannlífið er öllum verkum æðra og því sérstaklega ánægjulegt að að lesa niðurlag greinarinnar.

Ég ætla að bæta við áramótaheitum þetta árið. Ég ætla að vera dugleg að hugsa um heilsuna og líkamann en í ár ætla ég að auki að láta gott af mér leiða og vera sterkari og betri manneskja fyrir vikið.

Greinina er hægt að lesa í heild sinni hér: http://www.pressan.is/pressupennar/Lesa_adsent/harpa-aramotaheitin

Hlutverk JCI er að skapa tækifæri fyrir ungt fólk (18-40 ára) til að efla hæfileika sína og með því stuðla að jákvæðum breytingum.

Ef þú vilt…
… kynnast nýju fólki og stækka tengslanetið þitt.
… sækja fjölbreytt námskeið og viðburði.
… auka færni þína í framkomu og ræðumennsku.
… vera hluti af alþjóðlegri hreyfingu ungs fólks.

Þá er JCI eitthvað fyrir þig!

Næsta nýliðanámskeið okkar fer af stað í byrjun janúar en námskeiðið er samsett af fjórum kvöldum. Þetta er góð leið til að byrja árið af krafti og opna fyrir ný tækifæri.

Þriðjudagurinn 3. janúar 2012, kl. 20:00 – Kynning á JCI
Þriðjudagurinn 10. janúar 2012, kl. 20:00 – Árangursríkt hópastarf
Þriðjudagurinn 17. janúar 2012, kl. 20:00 – Skilvirkir fundir
Föstudagurinn 20. janúar 2012, kl. 20:00 – Skipulagning viðburða + partý

Vinsamlegast staðfestið þátttöku með tölvupósti á namskeid@jcireykjavik.is með fullu nafni og símanúmeri.

Jólakveðja,
Ingó landsi, Hanna gjaldki, Doddi riti

p.s.
“Vertu með í JC…”

Tilkynnt var að leikvallaverkefninu hefur verið frestað fram á vor og ítrekaði Sigurður að ef fólk hefur hugmyndir að leikvöllum sem mega muna fífil sinn fegurri þá vill hann endilega heyra uppástungur. Akademíuhelgin sem haldin var í nóvember var jafnframt kynnt og farið yfir þær nýju kynningarleiðir sem hugmyndir urðu til að.

Nóg er af viðburðum á næstunni. Þann 22. desember hafa verðandi stjórnir boðað á jólahlaðborð, áramótapartýið góða þar sem Heiða og Einar fagna afmæli sínu og ætla jafnframt að nýta tækifærið til að styrkja Nothing but Nets. FS fundurinn verður haldinn 7. janúar þar sem nýjar stjórnir taka formlega við störfum.  Að kvöldi 7. fara síðan fram landsstjórnarskiptin, bæði FS-fundurinn og landsstjórnarskiptin verða haldin í Frostaskjóli. Fimmtudaginn 12. janúar er stefnan tekin á höfuðborg Norðurlands þar sem JCI verður kynnt og slett úr klaufunum á laugardagskvöldinu, en þar er nýtt aðildarfélag að verða til. Ný akademíuhelgi verður 27-29. janúar þar sem personal leadership er tekið fyrir. Í óformlegri kosningu var ákveðið að þeir sem mæta taka persónuleikapróf sem unnið verður með um helgina.

Hanna Kristín vann After Eight í jólahappdrætti fundarins og átti sennilega einna eftirminnilegustu söguna þegar allir stóðu upp og sögðu skemmtilegar sögur frá jólunum.

Harpa Grétarsdóttir, sérlegur fréttaritari heimasíðunnar og félagi í JCI Esju

Arnar Kristjánsson

Birgir Óli Konráðsson

Fanney Þórisdóttir

Gunnar Geirsson

Sigrún Antonsdóttir

Tryggvi Áki Pétursson

Bjóðum við nýja félaga hjartanlega velkomna í JCI.

Standandi frá vinstri: Gunnar Geirsson, Birgir Óli Konráðsson, Arnar Kristjánsson, Fanney Þórisdóttir, Sigrún Antonsdóttir og Tryggvi Áki Pétursson. Krjúpandi frá vinstri: Ingólfur Már Ingólfsson landsforseti 2011 og viðtakandi forsetar aðildarfélaganna 2012, Eyjólfur Árnason JCI Lind, Jóhanna Magnúsdóttir JCI Esju og Einar Valmundsson JCI Reykjavík

Að lokinni inntöku buðu þau Eyjólfur og Salka upp á salsakennslu fyrir JCI félaga.  Síðan bættust við félagar úr Salsa Mafíunni, meiri kennsla og síðan dunaði dansinn frameftir.

Skemmtileg nýbreytni að bjóða uppá svona danskvöld og leiða saman félagin tvö, JCI og Salsa Mafíuna.

Fæddur 3. ágúst 1942

Lést 12. nóvember 2011

Útförin fór fram frá Fella- og Hólakirkju föstudaginn 18. nóvember kl. 13

Kvatt hefur þennan heim Vilhjálmur Grímsson, fyrrverandi landsforseti og senator.  Mig langar með grein þessari að minnast stuttlega aðkomu hans að starfi JC hreyfingarinnar á Íslandi.  Vilhjálmur var virkur í starfi JC Suðurnesja, fyrsta formlega aðildarfélaginu sem stofnað var árið 1967.  Vilhjálmur varð landsforseti JC Íslands og starfaði sem slíkur á árunum 1974 – 1975.  Vilhjálmur starfaði vel og lengi fyrir JC hreyfinguna og hlaut að launum útnefningu sem senator eða ævifélagi.  Eftir að hefðbundnu JC starfi lauk tók Vilhjálmur lengi vel virkan þátt í starfi Hins íslenska senats.

Ég hitti Vilhjálm aðeins á 50 ára afmælisfagnaði hreyfingarinnar á síðasta ári.  Þar voru saman komnir um helmingur þeirra landsforseta sem gegnt höfðu embættinu á þeim 50 árum sem hreyfingin hafði starfað.  Einn af öðrum vorum við kynntir inn í salinn en Vilhjálmi hlotnaðist sá heiður að vera fyrstur þar sem hann var sá okkar er fyrst gegndi embættinu.  Það var mér heiður að hitta Vilhjálm á þessari hátíðarstundu.

Fyrir hönd JCI hreyfingarinnar á Íslandi vil ég votta eftirlifandi eiginkonu Vilhjálms, Vigdísi Pálsdóttur og fjölskyldu þeirra, innilegustu samúðarkveðjur.  Megi minning Vilhjálms lifa um ókomna tíma.

Ingólfur Már Ingólfsson

Landsforseti JCI Íslands 2011

Frábær gestur kíkti á okkur, Peter Anderson, stofnandi og eigandi Follow the Fun. Peter ræddi um tungumálakennslu, breyttar áherslur í menntakerfinu og hvernig hægt er að einstaklingsmiða nám til að koma til móts við fólk með lesblindu eða aðra námsörðugleika. Þeir sem hafa áhuga á að fræðast nánar um nálganir Peters ættu endilega að kíkja á síðuna hans www.peteranderson.name þar sem hann kynnir ýmis spennandi verkefni.

Fundarhald hélt síðan áfram með þéttsetna dagskrá þar sem margir tóku til máls. Litið var yfir síðasta árið með myndasýningu og dagskrá komandi árs kynnt. Það má með sanni segja að margt spennandi sé í býgerð og ber þar helst að nefna landsþingið sem haldið verður með glæsibrag í byrjum september 2012 og við hvetjum alla til að skrá sig sem fyrst. Einnig verða allskyns námskeið í boði, t.d fundarstjórnun og fundarritun, erlendir fyrirlesarar, þorrablót, landstjórnarskipti auk þess sem heimsþing og Evrópuþing eru með spennandi dagskrá og vonandi að sem flestir sjái sér fært að kíkja út á komandi ári.

Starfi ársins sem er að líða er þó hvergi nærri lokið svo félagar eru hvattir til að fylgjast vel með í nóvember og desember þar sem mikið verður í gangi. Ber þar fyrst að nefna íslensku akademíuna sem fram fer 26. – 27. nóvember næstkomandi og er skráning í fullum gangi. Einnig er á dagskrá konfekt- og brjóstsykursgerð fyrir jólin, ræðuveisla, fyrirtækjaheimsókn, jólatréshittingur og partý í lok nýliðanámskeiðs. Í lok desember verður JCI með flott jólagóðverk þar sem við munum finna leikvöll sem gera þarf upp og taka hann algjörlega í gegn. Vonandi vilja sem flestir nýta árstíðina og gefa af sér í formi vinnu.

Boðið var uppá frábærar kræsingar sem Lauga bakaði fyrir okkur bæði í hléi og eftir fund og fóru því vonandi allir heim saddir og sáttir.

(Guðbjörg Ágústsdóttir, JCI Esju)

Keppnin sjálf fór fram í Félagsmiðstöðinni Frosta, Frostaskjóli, en að henni lokinni fóru allir niður í Hellusund þar sem úrslit voru tilkynnt og síðan blásið til partýs.  Gott stuð var í Hellusundinu, svona eitthvað frammá nóttina.

Bestu þakkir til allra sem tóku þátt í kvöldinu, góð kvöldstund þar.