Tilkynnt var að leikvallaverkefninu hefur verið frestað fram á vor og ítrekaði Sigurður að ef fólk hefur hugmyndir að leikvöllum sem mega muna fífil sinn fegurri þá vill hann endilega heyra uppástungur. Akademíuhelgin sem haldin var í nóvember var jafnframt kynnt og farið yfir þær nýju kynningarleiðir sem hugmyndir urðu til að.

Nóg er af viðburðum á næstunni. Þann 22. desember hafa verðandi stjórnir boðað á jólahlaðborð, áramótapartýið góða þar sem Heiða og Einar fagna afmæli sínu og ætla jafnframt að nýta tækifærið til að styrkja Nothing but Nets. FS fundurinn verður haldinn 7. janúar þar sem nýjar stjórnir taka formlega við störfum.  Að kvöldi 7. fara síðan fram landsstjórnarskiptin, bæði FS-fundurinn og landsstjórnarskiptin verða haldin í Frostaskjóli. Fimmtudaginn 12. janúar er stefnan tekin á höfuðborg Norðurlands þar sem JCI verður kynnt og slett úr klaufunum á laugardagskvöldinu, en þar er nýtt aðildarfélag að verða til. Ný akademíuhelgi verður 27-29. janúar þar sem personal leadership er tekið fyrir. Í óformlegri kosningu var ákveðið að þeir sem mæta taka persónuleikapróf sem unnið verður með um helgina.

Hanna Kristín vann After Eight í jólahappdrætti fundarins og átti sennilega einna eftirminnilegustu söguna þegar allir stóðu upp og sögðu skemmtilegar sögur frá jólunum.

Harpa Grétarsdóttir, sérlegur fréttaritari heimasíðunnar og félagi í JCI Esju

Arnar Kristjánsson

Birgir Óli Konráðsson

Fanney Þórisdóttir

Gunnar Geirsson

Sigrún Antonsdóttir

Tryggvi Áki Pétursson

Bjóðum við nýja félaga hjartanlega velkomna í JCI.

Standandi frá vinstri: Gunnar Geirsson, Birgir Óli Konráðsson, Arnar Kristjánsson, Fanney Þórisdóttir, Sigrún Antonsdóttir og Tryggvi Áki Pétursson. Krjúpandi frá vinstri: Ingólfur Már Ingólfsson landsforseti 2011 og viðtakandi forsetar aðildarfélaganna 2012, Eyjólfur Árnason JCI Lind, Jóhanna Magnúsdóttir JCI Esju og Einar Valmundsson JCI Reykjavík

Að lokinni inntöku buðu þau Eyjólfur og Salka upp á salsakennslu fyrir JCI félaga.  Síðan bættust við félagar úr Salsa Mafíunni, meiri kennsla og síðan dunaði dansinn frameftir.

Skemmtileg nýbreytni að bjóða uppá svona danskvöld og leiða saman félagin tvö, JCI og Salsa Mafíuna.

Fæddur 3. ágúst 1942

Lést 12. nóvember 2011

Útförin fór fram frá Fella- og Hólakirkju föstudaginn 18. nóvember kl. 13

Kvatt hefur þennan heim Vilhjálmur Grímsson, fyrrverandi landsforseti og senator.  Mig langar með grein þessari að minnast stuttlega aðkomu hans að starfi JC hreyfingarinnar á Íslandi.  Vilhjálmur var virkur í starfi JC Suðurnesja, fyrsta formlega aðildarfélaginu sem stofnað var árið 1967.  Vilhjálmur varð landsforseti JC Íslands og starfaði sem slíkur á árunum 1974 – 1975.  Vilhjálmur starfaði vel og lengi fyrir JC hreyfinguna og hlaut að launum útnefningu sem senator eða ævifélagi.  Eftir að hefðbundnu JC starfi lauk tók Vilhjálmur lengi vel virkan þátt í starfi Hins íslenska senats.

Ég hitti Vilhjálm aðeins á 50 ára afmælisfagnaði hreyfingarinnar á síðasta ári.  Þar voru saman komnir um helmingur þeirra landsforseta sem gegnt höfðu embættinu á þeim 50 árum sem hreyfingin hafði starfað.  Einn af öðrum vorum við kynntir inn í salinn en Vilhjálmi hlotnaðist sá heiður að vera fyrstur þar sem hann var sá okkar er fyrst gegndi embættinu.  Það var mér heiður að hitta Vilhjálm á þessari hátíðarstundu.

Fyrir hönd JCI hreyfingarinnar á Íslandi vil ég votta eftirlifandi eiginkonu Vilhjálms, Vigdísi Pálsdóttur og fjölskyldu þeirra, innilegustu samúðarkveðjur.  Megi minning Vilhjálms lifa um ókomna tíma.

Ingólfur Már Ingólfsson

Landsforseti JCI Íslands 2011

Frábær gestur kíkti á okkur, Peter Anderson, stofnandi og eigandi Follow the Fun. Peter ræddi um tungumálakennslu, breyttar áherslur í menntakerfinu og hvernig hægt er að einstaklingsmiða nám til að koma til móts við fólk með lesblindu eða aðra námsörðugleika. Þeir sem hafa áhuga á að fræðast nánar um nálganir Peters ættu endilega að kíkja á síðuna hans www.peteranderson.name þar sem hann kynnir ýmis spennandi verkefni.

Fundarhald hélt síðan áfram með þéttsetna dagskrá þar sem margir tóku til máls. Litið var yfir síðasta árið með myndasýningu og dagskrá komandi árs kynnt. Það má með sanni segja að margt spennandi sé í býgerð og ber þar helst að nefna landsþingið sem haldið verður með glæsibrag í byrjum september 2012 og við hvetjum alla til að skrá sig sem fyrst. Einnig verða allskyns námskeið í boði, t.d fundarstjórnun og fundarritun, erlendir fyrirlesarar, þorrablót, landstjórnarskipti auk þess sem heimsþing og Evrópuþing eru með spennandi dagskrá og vonandi að sem flestir sjái sér fært að kíkja út á komandi ári.

Starfi ársins sem er að líða er þó hvergi nærri lokið svo félagar eru hvattir til að fylgjast vel með í nóvember og desember þar sem mikið verður í gangi. Ber þar fyrst að nefna íslensku akademíuna sem fram fer 26. – 27. nóvember næstkomandi og er skráning í fullum gangi. Einnig er á dagskrá konfekt- og brjóstsykursgerð fyrir jólin, ræðuveisla, fyrirtækjaheimsókn, jólatréshittingur og partý í lok nýliðanámskeiðs. Í lok desember verður JCI með flott jólagóðverk þar sem við munum finna leikvöll sem gera þarf upp og taka hann algjörlega í gegn. Vonandi vilja sem flestir nýta árstíðina og gefa af sér í formi vinnu.

Boðið var uppá frábærar kræsingar sem Lauga bakaði fyrir okkur bæði í hléi og eftir fund og fóru því vonandi allir heim saddir og sáttir.

(Guðbjörg Ágústsdóttir, JCI Esju)

Keppnin sjálf fór fram í Félagsmiðstöðinni Frosta, Frostaskjóli, en að henni lokinni fóru allir niður í Hellusund þar sem úrslit voru tilkynnt og síðan blásið til partýs.  Gott stuð var í Hellusundinu, svona eitthvað frammá nóttina.

Bestu þakkir til allra sem tóku þátt í kvöldinu, góð kvöldstund þar.

Í gær var sendur fjöldapóstur á JCI félaga hérlendis með upplýsingum um dagskrána fram að áramótum í starfinu hjá okkur. Við viljum endilega auka aðgengi að þessari dagskrá og Dagskrá JCI til áramóta 2011. Þar má sjá smá skýringartexta við hvern atburð. Svo fylgir með þessi hlekkur á Google Calendar sem inniheldur sömu upplýsingar en ekki skýringartextana:
https://www.google.com/calendar/embed?src=b902uugmace7oadup366462224%40group.calendar.google.com&ctz=Atlantic/Reykjavik

Fyrst var kallað til kjörfundar, þar héldu frambjóðendur til stjórnar 2012 fínar framboðsræður, kynntu sig og áherslumál næsta árs.

Hér á ferð eru greinlega metnaðarfullir og kröftugir einstaklingar.  Frambjóðendur voru að því loknu öll kjörin með kröftugu lófaklappi.  Stjórn JCI Esju árið 2012 munu skipa:

Jóhanna Magnúsdóttir, formaður

Salka Hauksdóttir, ritari

Þórhildur Önnudóttir, gjaldkeri

Kristinn Már Magnússon, varaforseti

Heimasíðan óskar nýkjörnu stjórnarfólki innilega til hamingju og hlakkar til að fylgjast áfram með því góða uppbyggingarstarfi sem er að eiga sér stað í JCI Esju.

Nýja stjórnin mun taka við stjórnartaumum á aðalfundi félagsins í janúar.

Jóhanna Magnúsdóttir, viðtakandi forseti í ræðupúlti

Á kjörfundinum var tekinn inn nýr félagi, Bjarkey Rut Gunnlaugsdóttir, og bjóðum við hana hjartanlega velkomna í JCI.

Áður en félagsfundurinn hófst bauð núverandi forseti JCI Esju til dýrindiskræsinga, fundarmönnum til ómældrar ánægju.

Félagsfundurinn var á léttu nótunum.  Allir fundarmenn fengu það verkefni að standa upp og kynna sig nokkuð ítarlega m.a. með því að segja frá áhugamálum, styrkleikum og veikleikum

og hvað hver og einn hefði fram að færa til hópsins.  Vakti m.a. athygli að salsa er orðið vinsælt áhugamál á meðal félagsmanna og að tveir félagar eru í lúðrasveit.

Að þessu loknu kynnti Guðlaug forseti starfið framundan.  Er margt í boði fyrir félagsmenn, bæði til að taka þátt í og skipuleggja.  Það eru virkilega spennandi tímar framundan.

Takk fyrir góða og skemmtilega fundi Lauga, Jóhanna og aðrir félagar. J

Ingólfur Már Ingólfsson landsforseti, Bjarkey Rut Gunnlaugsdóttir nýr félagi í JCI Esju og Guðlaug Birna Björnsdóttir forseti JCI Esju

Nýkjörin stjórn ásamt landsforseta, frá vinstri talið: Kristinn, Þórhildur, Jóhanna, Salka og Ingólfur

Einar Valmundsson, formaður

Kristín Grétarsdóttir, ritari

Guðmundur Gauti Kristjánsson, gjaldkeri

Einar Örn Gissurarson, varaforseti

Hjalti Kristinn Unnarsson, varaforseti

Frambjóðendur héldu flottar framboðsræður og greinilegt að hér á ferð er metnaðarfullt fólk.  Þau munu taka við stjórnartaumunum á aðalfundi félagsins í janúar.

Heimasíðan óskar nýkjörnu stjórnarfólki innilega til hamingju og hlakkar til að fylgjast með áframhaldandi góðu starfi JCI Reykjavíkur.

Viktor Ómarsson, núverandi forseti JCI Reykjavíkur, kynnti á fundinum þá viðburði sem framundan eru í október, nóvember og desember.

Það verður nóg um að vera hjá félaginu og einnig öðrum aðildarfélögum, næg tækifæri fyrir félagsmenn að taka þátt bæði sem þátttakendur og ekki síður sem skipuleggjendur.

Að lokum má geta þess að dýrindisveitingar voru í boði nýkjörinnar stjórnar að fundi loknum.  Fundarmenn fóru því saddir og sælir heim.  Takk fyrir okkur Einar og co.

Við lögðum af stað eldsnemma morguns á fimmtudegi, til að hafa nú tíma í smá verslun í höfuðborginni… lentum rétt eftir hádegið í København. Á flugvellinum tók á móti okkur Landsforsetafrú JCI Danmerkur, Marie, en við höfðum ekki átt von á að við yrðum sótt á flugvöllinn svo það var afskaplega ánægjulegt.

Enn inni í flughafnarbyggingunni stigum við um borð í Metróinn, sem tók okkur alla leið í miðbæinn. En Landsforseti Dana og frú hans búa í nokkurra metra fjarlægð frá Kongens Nytorv og Nyhavn. Þar sem veðrið var nú ekkert sérstakt, nánast íslenskt rok og rigning, fannst mér þetta algjör snilld… þar til ég sá stigana í gamla, fallega húsinu sem þau búa í J en ég meikaði samt einhverjar ferðir hehe. Þau Marie og Jon Kjær buðu okkur að gista hjá sér eina nótt, þar til við færum á þingið, og var það mjög gaman og þökkum við þeim kærlega gestrisnina. Þá um kvöldið fórum við m.a. út að borða á hefðbundnum dönskum veitingastað, sem ég man ekki nafnið á… en hann var staðsettur 2 dyrum frá heimili þeirra. Ásamt okkur fjórum var með í för landsforseti JCI Tyrklands, Gülboy, og að sjálfsögðu var borðað gammeldags „flæsk“ með kartöflum, rauðrófum og hvítri steinseljusósu , og nota bene þetta var „all-you-can-eat“ og borið á borðið meðan einhver hafði lyst J

Á föstudagsmorgun  leigðum við bíl og keyrðum sem leið lá út úr borginni og í vesturátt að Jótlandi. Hvorugt okkar hafði komið til Jótlands fyrr og langaði til að sjá landið, allavega eins og hægt er úr bílglugga (á 130 km hraða…). Og komumst að því að Danmörk er ekki alveg flöt eins og pönnukaka eins og manni hafði verið talin trú um í landafræðinni í gamla daga… það voru einhverjar brekkur og  svo aðeins meiri brekkur, ekki alveg hægt að kalla þetta hæðir eða hóla – en mjög fallegt. Við stoppuðum í Odense og sáum elsta hluta bæjarins, sem er mjög flottur, lítil sæt hús og þessar týpísku hlöðnu steingötur. Þar sáum við m.a. hús Hans Christians Andersens og safn tileinkað ævi hans og samferðamanna hans. Það var mjög áhugavert. Ekki vissi ég t.d. að H.C. Andersen hefði verið 20 sm hærri en meðalmaður á sínum tíma (185 sm)og þótti mjög fráhrindandi í útliti, eiginlega bara ljótur! En hann var góður við börn og var sífellt að skemmta fólki og segja sögur. Reyndi fyrir sér í ýmsu m.a. sem leikari, söngvari og dansari áður en ritlistin varð ofan á. Inni í safninu mátti finna sýnishorn af bókum hans á mörgum tungumálum og síðast en ekki síst litlu klippimyndirnar sem hann er frægur fyrir. Innan um pínu-pínulitlar klippimyndir og dúkkulísur, lágu klunnaleg skæri sem voru víst í eigu rithöfundarins, og var erfitt að ímynda sér hvernig hann hafi farið að því að klippa út svona lítil listaverk (sum minni en tíkall) með þessari græju! Ég hefði varla treyst mér til að klippa þráðbeint eftir línu með þeim.

En áfram héldum við í vesturátt og eftir að hafa farið yfir bæði Stóra-beltisbrúna og Litla-beltis, fórum við að nálgast áfangastað. GPS tækið kom sér mjög vel og stýrði förinni áfallalaust. Við komum til Holstebro rétt fyrir fimm seinnipart föstudags, og þurftum að vera snögg að græja okkur í gala klæðnaðinn, því landsforsetakokteill átti að hefjast kl.18 í ráðhúsi bæjarins, og rúta átti að sækja okkur 20 mín fyrr á hótelið. Hótelið var staðsett alveg í útjaðri bæjarins. En þetta hafðist allt á tilsettum tíma, þó rútan hafi verið sein og við rétt náðum 10 mín með bæjarstjóranum. Eftir það var öllum smalað í rútuna og tilbaka, þar sem við tók hefðbundin hátíðardagskrá með frábærum mat, ræðuhöldum og viðurkenningum.

Á laugardeginum voru námskeið og fundir eins og tilheyra landsþingum, en þar sem allt fór fram á dönsku, og skóladanskan okkar orðin vel ryðguð, létum við nægja að fylgjast með framboðsræðum þeirra sem í framboði voru til landsstjórnar næsta starfsár (kákus) og þóttumst ægi klár þegar við náðum samhengi í ræðunum og gátum túlkað að hluta fyrir „hina útlendingana“ J en á þingið mætti einnig landsforseti Lettlands,Ivars Racino, sem er mjög skemmtilegur og hress náungi (eins og allir JC félagar).

Á laugardagskvöldið var svo alvöru partí, og Danir kunna sko vel að skemmta sér og sínum. Þema kvöldsins var skapandi og frumlegt, og sýndu búningar félaganna að það var eitthvað sem nóg er til af í hreyfingunni, eins og sjá má á meðfylgjandi myndum. Einnig mátti finna ýmis frumleg nöfn á öli á barnum, eins og „Santas butt“ og „Reindeer droppings“  greinilegt að Danir eru farnir að undirbúa jólin J

Á sunnudegi var svo þingfundur kláraður og tók þar m.a. til orða okkar frábæri landsforseti  og hélt þrumuræðu yfir lýðnum um persónulega reynslu sína í JCI og stöðu hreyfingarinnar á Íslandi, í lokin var svo tilkynnt um kosningu í landsstjórn og embætti næsta starfsárs, viðtakandi landsforseti Sören fékk  að prófa keðjuna við hátíðlega athöfn og tók sig ákaflega vel út eins og fyrirrennarar hans og kollegar allir (merkilegt að slíkir skartgripir séu ekki vinsælli). Eftir það var léttur löns og svo keyrsla tilbaka til Køben, þaðan sem við áttum flug til Íslands um kvöldið.  Það voru þreyttir en sælir ferðalangar sem lentu í Keflavík síðar um kvöldið (nóttina að dönskum tíma), ánægðir að komast heim en með vott af depurð yfir að allt væri yfirstaðið, því þetta var og er alltaf svo ógisslega gaman J

Að lokum hvet ég alla sem þetta lesa, til að leggjast í ferðalög ef tækifæri bjóðast, og heimsækja JCI félög og félaga fjær og nær, því ferðalög gera okkur víðsýnni og umburðarlyndari gagnvart öðrum, eða eins og snillingurinn H. C. Andersen orðaði það svo vel „að ferðast – er að lifa“.

Góða ferð, og góða skemmtun!

Kveðja Ásta Gústafsdóttir, lansafrú 2011

Bjarni Hólmar Einarsson
Björney Inga Björnsdóttir
Eyjólfur Árnason
Guðbjörg Ágústsdóttir
Halldóra Júlía Þorvaldsdóttir
Harpa Grétarsdóttir
Þuríður Valdimarsdóttir
Þorgeir Guðmundur Þorgrímsson

(Myndirnar koma frá Heiðu Dögg, JCI Reykjavík, viðtakandi varalandsforseta 2012)

Standandi frá vinstri: Harpa, Björney, Halldóra, Guðbjörg, Bjarni, Eyjólfur, Þuríður, Þorgeir. Krjúpandi fyrir framan: Guðlaug, forseti JCI Esju, með framtíðar JCI félagann Styrmi í fanginu, og Viktor, forseti JCI Reykjavíkur (og viðtakandi landsforseti)

Standandi frá vinstri: Þuríður, Guðbjörg, Eyjólfur með litla Styrmi í fanginu, Bjarni, Halldóra, Björney, Harpa. Krjúpandi fyrir framan: Guðlaug, forseti JCI Esju, og Viktor, forseti JCI Reykjavíkur